Ramos ka vendosur për të ardhmen, do të luajë në Premier League

Sergio Ramos është gjithnjë e më larg rinovimit me Real Madridin. 34-vjeçari prej disa javësh është i lidhur me një kalim të mundshëm gjatë verës në Angli.

Sipas “The Mirror”, Ramos, të cilit i përfundon kontrata në qershor, preferon të luajë në “Old Trafford” për “Djajtë e Kuq, megjithëse interes serioz për të kanë shfaqur edhe Liverpooli.

Zbulohet se vëllai dhe njëkohësisht menaxheri i kapitenit të Spanjës, René Ramos, e ka thënë qartë se Sergio dëshiron të luajë tek United. Përveç të mëdhenjve të Premier League-s, PSG dhe Everton i ish-trajnerit të tij, Carlo Ancelotti, synojnë të kenë shërbimet e Ramosin.