Ramsey: Ja përse zgjidha Juventusin, Ronaldo i jashtëzakonshëm!

Aaron Ramsey verën e kaluar zgjodhi që të niste një aventurë të re jashtë Gadishullit Britanik te skuadra e Juventusit. Mesfushori uellsian kishte oferta të shumta, por që nga janari kishte arritur një akord me skuadrën rekordmene në Itali. Në një intervistë të dhënë së fundmi për “The Sun” ai ka shpjeguar arsyet e këtij vendimi.

“Një nga arsyet kryesore ishte se dua të fitojë Seria A dhe të sfidoj emrat e mëdhenj në Champions League. Doja të luajë në një skuadër ku të jem në gjendje që të fitoj shumë trofe dhe Juventus është një ekip të tillë. Shpresoj ta ndihmoj të fitojmë Championsi”.

E pashmangshme ishte edhe një pyetje për Cristiano Ronaldon, për të cilin ka fjalë të mëdha.

“Është një atlet i jashtëzakonshëm, shënon në shumicën e ndeshjeve. Në palestër është i pari ë shkon dhe stërvitet çdo ditë. Kërkon të fitojë edhe ndeshjet stërvitore që bëjmë në grup.

Karantina? Po ndjek një program fitnesi që më ka dërguar stafi i klubi. Sidoqoftë nuk është njëlloj si stërvitja e përditshme”, deklaroi mesfushori uellsian. /R.Lika-Koha Jone/