Real Madrid bën një mega ofertë për të rrëmbyer Dybala-n

Real Madrid rikthehet sërish në garë për Paulo Dybala-n. Pas eliminimit në Ligën e Kampionëve nga Manchester City, presidenti i Madridit, Florentino Perez, ka vendosur të tentojë afrimin e futbollistit më të mirë të sezonit në Seria A.

Numri 1 i klubit “merengues”, ka bërë një ofertë shumë serioze për kartonin e argjentinasit: para “cash” plus një kompensim teknik shumë të rëndë, për një vlerësim të përgjithshëm prej mbi 100 milionë euro. Dy lojtarët që madrilenët do të ishin të gatshëm të sakrifikonin për të arritur tek argjentinasi janë Isco ose Toni Kroos.

Juve, nga ana e saj, nuk kanë ndërmend të privohet nga Dybala, veçanërisht në një moment rindërtimi si ky. Por, në mënyrë të pashmangshme, situata përfundon duke u lidhur me çështjen e Ronaldos: nëse portugezi vendos të largohet nga Torino, Juve as që do ta çonte ndërmend shitjen e Dybalas. Gjithçka mund të ndryshojë nëse CR7 do të qëndrojë.