Reali piketon mesfushorin e Milanit si zëvendësues të Modric

Real Madrid është në kërkim të një zëvendësuesi për Luka Modric në sezonin e ardhshëm. Klubi Los Blancos po monitoron mesfushorin e Milan, Tijjani Reijnders. Sipas Tuttosport, Florentino Perez ka shtyrë klubin që të firmosë me 26-vjeçarin, i cili shihet si një pasardhës për kroatin.

Reijnders ka zhvilluar një sezon të shkëlqyer në Milan, duke shënuar 14 gola dhe ofruar 3 asiste në 46 ndeshje në të gjitha kompeticionet, duke u renditur ndër lojtarët më të mirë të skuadrës në një vit të vështirë.

Një tjetër objektiv për mesfushën është edhe ylli i Real Sociedad, Martin Zubimendi. Milani mund të vendosë që të largojë disa prej lojtarëve në fund të këtij sezoni nëse nuk siguron pjesëmarrjen në Champions.