Reali triumfon ndaj Espanyol, titulli mund të vendoset në “El Cllasico”

Real Madrid ka marrë një fitore të rëndësishme 2-0 në transfertë ndaj Espanyol, në sfidën e javës së 34-t të La Liga.

Pjesa e parë u karakterizua nga një paraqitje e vakët e madrilenëve, të cilët patën pak rrezikshmëri në sulm. Rasti më i mirë erdhi nga Vinícius Júnior, i cili goditi shtyllën me një tentativë të fortë, ndërsa vendasit krijuan disa mundësi, por pa arritur të mposhtin portierin Andriy Lunin.

Në pjesën e dytë, Real Madrid ndryshoi ritëm dhe arriti të zhbllokojë sfidën në minutën e 55-të, kur Vinícius shfrytëzoi një asist të saktë nga Gonzalo García.

Braziliani vijoi me paraqitjen e tij të shkëlqyer, duke realizuar edhe golin e dytë në minutën e 66-të, pas një pasimi elegant me thembër nga Jude Bellingham, që e nxori përballë portës.

Me këtë fitore, Real Madrid shkon në kuotën e 77 pikëve në vendin e dytë, duke ngushtuar diferencën me kryesuesit e Barcelonës me -11 pikë. Ndërkohë, Espanyol mbetet në vendin e 13-të me 39 pikë. Tashmë, vëmendja zhvendoset te “El Clasico”, ku Barcelona ka mundësinë të sigurojë titullin nëse arrin të marrë të paktën një barazim.