Reali zhgënjen sërish në La Liga, mundet edhe nga Alaves (VIDEO)

Real Madrid tregon një tjetër “fytyrë” pas sfidës së Championsit ndaj Interit, të cilën e fitoi me lehtësi. Në kampionat skuadra e Zidane ka pësuar një humbje befasuese 1-2 ndaj Alvaves.

Miqtë do të zhbllokonin ndeshjen që në minutën e 5-të me penallti, që do të kthehej në gol nga Perez. Reali vuajti shumë në ndërtimin e aksioneve, teksa Hazard doli nga fusha sërish i dëmtuar në pjesën e parë.

Në fillimin e pjesës së dytë, kur pritej reagimi i madrilenëve, do të vinte dhe goli i dytë me Joselun që përfitoi nga një gafë e portierit Courtois, i cili i dhuroi topin. 5 minuta nga fundi Casemiro e pati të thjeshtë për ta shtyrë “sferën” në rrjetë. Minutat e fundit nuk mjaftuan qoftë për të dalë me pikë nga fusha për ekipin e Zidane.

Kjo është humbja e tretë në 3 ndeshjet e fundit për Realin, që tashmë gjendet 6 pikë e shkëputur nga Atletico, teksa diferenca mund të shkojë dhe në 9 pikë nëse Los Colchoneros fitojnë sfidën e prapambetur. /R.Lika-Koha Jone/