Rifillimi i kampionatit, Premier League organizon nesër një tjetër mbledhje

Futbolli do të luhet vetëm me dyer të mbyllura, por ende nuk dihet se kur do të rifillojë. Alberto Colombo, sekretari i përgjithshëm i Ligave Evropiane të Futbollit pohon se mbyllja e aktivitetit sportiv ka sjellë një krizë të madhe në administrimin e klubeve dhe shumë të tillë po e marrin në konsideratë kthimin në fushë.

Klubet e Premier League takohen nesër për të diskutuar mbi situatën dhe të ardhmen. Shpresat u shtuan pas kthimit në fushë për stërvitje të lojtarëve të kampionatit gjerman, por sipas Colombos, ajo që është e rëndësishme për momentin ka të bëjë me rifillimin e stërvitjes që për çdo moment lojtarët të jenë gati.