Rio 2016, Phelps rekord me 21 tituj olimpikë

Michael Phelps përtej çdo limiti, arriti të fitojë dje dy medalje ari në të njëjtën mbrëmje garash në Lojrat e Rios dhe arrin në nivelin e 21 titujve olimpikë (më shumë se dyfishi i rekordmenit të kaluar).

Kampioni amerikan fitoi fillimisht finalen e 200 metra stil flutur, duke u imponuar në moshën 31-vjeçare me një kohë prej 1minutë 53,62 sekonda duke dalë para japonezit Masato Sakai (1’53”40) dhe hungarezit, Tamas Kenderesi (1’53”62).

Më pas dominoi në stafetë 4x200m stil i lirë ku ekipi amerikan doli i pari, para britanikëve dhe japonezëve.

Phelps ishte dukshëm i mallëngjyer në podium pasi fitoi garën individuale dhe të gjithë spektatorët u ngritën në këmbë për të duartrokitur notarin me më shumë tituj olimpik në histori.