Roma mund lehtësisht Brescian e Ndoj-it, Lazio fiton në “frymën e fundit” (VIDEO)

Roma ka arritur një fitore të thjeshtë në shifrat 3-0 ndaj Brescias, duke u ngjitur përkohësisht në vendin e katërt. Pas një pjese të parë pa gola, fillimi i së dytës ishte mjaft i mirë për ekipin kryeqytetas.

Dy golat u parë u shënua nga dy mbrojtësit e qendrës së verdhekuqve. Chris Smalling fillimisht zhbllokoi rezultatin në minutën e 49-të i ndihmuar edhe nga një devijim, ndërkohë që 8 minuta më pas mbrojtës anglez dha një asist për Mancinin duke dyfishuar avantazhin.

Smalling dha asistin edhe për golin e tretë që erdhi nga Edin Dzeko. Emanuele Ndoj u aktivizua për 62 minuta në këtë ndeshje, teksa në një rast ju afrua golit me një goditje nga distanca.

Lazio ka arritur një fitore shumë të vuajtur 2-1 ndaj Sasuolos me një gol në minutat shtesë. U duk se sfida do të ishte e thjeshtë pas golit të shënuar nga Immobile, por Caputo vendosi baraspeshën në fundin e pjesës së parë. Në minutat shtesë të ndeshjes, Caicedo shënon golin e fitores pas një kombinimi fantastik me Luis Alberton. /R.Lika-Koha Jone/