Ronaldo largohet nga grumbullimi i Portugalisë, do e kalojë karantinën në Torino

Cristiano Ronaldo ka vendosur që të kthehet në Itali për të kryer aty periudhën e karantinës duke vendosur të izolohet në Torino. Një vendim që kampioni portugez e mori për të qëndruar në kontakt me stafin mjekësor të Juventusit me shpresën që të kthehet në fushë sa më shpejt.

Me siguri Ronaldo do të humbasë ndeshjen e kampionatit me Crotonen dhe atë të debutimit në Champions League kundër Dinamos së Kievit, por prezenca e tij është në rrezik serioz edhe për sfidën kundër Barcelonës dhe rivalit të tij të madh Lionel Messi.

Kjo pasi rregullorja e UEFA-s parashikon që një lojtar duhet të rezultojë negativ në një test ndaj Covid-19 një javë para ndeshjes në të cilën duhet të luajë. Numri 7 i bardhezinjve duhet të kalojë provën e tamponit para datës 21. Në këtë mënyrë do të jetë vendimtar tamponi i ardhshëm që pritet fundjavën që vjen, për të kuptuar se kur Ronaldo të të mund të bashkohet me skuadrën për tu kthyer në dispozicion të Pirlos.