Ronaldo te Galatasaray, drejtuesi: Nuk e kufizojmë imagjinatën!

Cristiano Ronaldon mund ta shohim shumë shpejt te Galatasaray. Afrimi që pritet të ndodhë në merkaton e dimrit mund t’i kushtojë klubit turk shifra të frikshme.

Sipas raportimeve nga mediet turke, bëhet fjalë për nja nga lojtarët më të mirë që ka njohur bota e futbollit deri më tani, Galatasaray thuhet se mund të firmosë me Cristiano Ronaldon.

Klubi turk është i gatshëm ta ndihmojë sulmuesin, madje thuhet se bordi drejtues i klubit nga Stambolli është optimist pavarësisht se paga e CR7 është stratosferike.

Erden Timur, anëtar i bordit drejtues të klubit turk tha për mediet vendase: “Ne kemi blerë lojtarë që të bëjnë të ëndërrosh dhe duam të afrojmë dhe të tjerë. Ne nuk e kufizojmë imagjinatën, por nuk mund të përmendim emra tani.”