Rrëfimi i Lorik Canës: E mbylla si futbollist, do rikthehem si trajner (VIDEO)

[youtube url=”https://www.youtube.com/watch?v=O71IpfiRlTw&feature=em-uploademail” width=”560″ height=”315″]

Loriku luftarak i fushës, patriot i madh jashtë saj, kapiteni i dashur i kuqezinjve, nuk mund të ikë nga kombëtarja pa sqaruar me detaje arsyet që e bënë të tërhiqej pas 13 vitesh.

Krahas statusit të lamtumirës, Cana do t’i tregojë të gjitha arsyet dhe planet për të ardhmen sot një një intervistë ekskluzive për gazetaren Fjodora Fjora, në “News24”.

“Në 14 vite s’kam pas asnjëherë pushim. Nuk preferoj të rri në një vend dhe të mos luaj. Po i jap kohën trupit tim që të rikuperohem”,­ thotë ai ai.

Cana jep mendimin e tij edhe për ikjen e futbollistëve të Kombëtares së Shqipërisë tek ajo e Kosovës, dhe preferencat e tij për kombëtaren shqiptare.

“Kam mbështet sportin në Kosovë, kam dashur të thyhet heshtja e izolimit të sportit në Kosovë. Njohja e tij është gjëja më fantastike. Kam qënë i mendimit se elita të rrijë tek kombëtarja, përfaqësuesja e Kosovës të përfaqësohet me futbollistë jo kaq elitarë”.

Futbollisti shprehu keqardhjen për disa publikime në media, që flisnin për dëmtimet e tij.

“Është vendim personal, mund të kuptohet se në kaq shumë vite futboll, mund të kesh probleme të ndryshme. Disa njerëz e shfrytëzojnë këtë duke mos menduar pasojot për një njeri”.

Për të gjithë ata që një ditë duan ta shohin ndoshta si trajner të Kombëtares, Cana e lë të hapur mundësinë. Ai thotë se do të jetë i angazhuar jashtë, ose brenda fushës./BW/