Rugani pozitiv para Interit? Juventus përgënjeshtron gjithçka
Juventusi ka përgënjeshtruar partneren e Daniele Ruganit, Michela Perisco duke bërë me dije se nuk janë të vërteta lajmet që mbrojtësi i bardhezinjëve është diagonstikuar pozitiv ndaj koronavirusit përpara derbit të Italisë Juve-Inter.
Në një intervistë e fejuara e Rugani, gazetarja sportive Michela Perisco ka deklaruar se ajo dhe partneri i saj e kishin bërë tamponin në datën 8 mars në mëngjes, disa orë para supersfidës Juve-Inter. Nëse kjo do të ishte e vërtetë atëherë Rugani i cili ishte në stolin e rezervave në atë takim ka rrezikuar të infektojë me koronavirus shokët e skuadrës.
Gjithsesi klubi bardhezi ka përgënjeshtruar gjithçka duke bërë me dije se Rugani e ka kryer testin në datën 11 mars dhe po atë ditë ka mësuar rezultatin që ka dalë pozitiv.
