Rummenigge: Dua fundjavë fantastike, Inter dhe Bayernin kampionë!

Karl Hainz Rummenigge shpreson që kjo fundjavë të sjellë suksesin e madh. Dy ditë nga finalja e Champions League me PSG, administratori i deleguar i Bayern thur elozhe për lojtarët e tij, në veçanti për Robert Lewandowskin:

“Statistikat e tij janë të jashtëzakonshme, i kam kërkuar Infantinos të dorëzojë këtë vit FIFA World Player në mungesë të Topit të Artë, sepse mendoj se është e gabuar të lesh një zbrazti në 2020. Presidenti më ka dhënë garanci se njohjet për lojtarin më të mirë, lojtaren e trajnerin do të bëhen.

Nuk mungon një koment nga gjermani edhe për Interin “e tij”, pak orë nga finalja e Europa League kundër Sevilla-s: “Kam folur me Marotta në telefon e i kam thënë se dua një fundjavë fantastike për të festuar për dy skuadrat e mia. Do ishte bukur të takoheshim në Budapest për finalen e Superkupës Europiane”.