Sarri i fiksuar me “napolitanët”, tani synon afrimin e mesfushorit të Chelsea-t

Maurizio Sarri është i “fiksuar” me grupin e futbollistëve që ka pasur te skuadra e Napolit. Pas udhëtimeve për të tentuar më shumë për Milik se Icardin, synimi i radhës është një tjetër napolitan, Jorginho. Italo-braziliani mendohet si futbollisti thelbësor për të zhvilluar futbollin e menduar nga tekniku bardhezi e pas një viti ndarje, kampionati i ardhshëm mund ti shohë përsëri bashkë tek Juventus.

Jorginho e Pjanic nuk mund të bashkëjetojnë në projektin taktik të Sarrit e pasi sezonin e kaluar palët u ndanë pikërisht nga kërkesa e pandryshueshme e Bluve të Londrës për të marrë boshnjakun, gjë që solli qëndrimin e Jorginho në Stamford Bridge dhe rinovimin prej 6,5 milionë euro të bardhezinjve me Pjanic, në të ardhmen e afërt skenari mund të jetë ndryshe.

Menaxheri i Jorginho ka provuar të flasë për rinovim me Chelsea, për oferta të rëndësishme të marra nga klube të mëdha, por jo nga Juventus. Në idenë e Sarrit, Jorginho do të luajë përkrah Bentancur në mesfushë e italo-braziliani në këtë mënyrë është objektivi numër një për Juventus.