Sebino Plaku shpallet zyrtarisht i kuq, Partizani nuk ndalet me kaq

Sporti E Diel, 18 Prill 2021 21:44

Sulmuesi Sebino Plaku rikthehet te Partizani. Të kuqtë e Sulejman Starovës përforcohen me një element tepër të rëndësishëm në prag të ndeshjeve eliminatore, të Europa League. Presidenti Gaz Demi prezantoi sot sulmuesin 30-vjeçar, që sapo i dha lamtumirë karrierës në Poloni. Ai rikthehet tek klubi ku u formua dhe i rrit, Partizani, pas 11 vjetësh. Plaku nuk mund ta fshihet dot gëzimin e rikthimin në shtëpi, edhe pse kërkohej nga ekipet e tjera të Kategorisë Superiore, si Skënderbeu e Flamurtari.

Flamurtari, me ardhjen e trajnerit Levy, insistoi deri në momentin e fundit. Por rikthimi tek skuadra ku nisi karrierën, shansi për të luajtur në Europë, kontrata e afruar nga presidenti Demi, si dhe kryeqyteti, bindën përfundimisht sulmuesin Plaku të firmoste me Partizanin. Presidenti Gaz Demi tha se afrimi i Sebino Plakut është vetëm fillimi, duke garantuar tifozët për një merkato cilësore, për të pasur sukses në Euriopa League dhe për të rikthyer të kuqtë tek titulli kampion, në fund të sezonit të ardhshëm.