Serbët mbështesin Kosovën kundër Kroacisë

Mund të duket tepër e habitshme, por është më se i vërtetë fakti se serbët kanë një armiqësi të thellë me kroatët, aq sa do të bëjnë sonte tifo për Kosovën kundër Kroacisë.

Ndeshja Kosovë-­Kroaci, e cila luhet sot në “Loro Boriçi” në orën 20:45 ka tërhequr vëmendje të madhe në Serbi.

Kështu, në një sondazh të realizuar nga gazeta serbe “Telegraf”, pjesa më e madhe e serbëve do të bëjnë tifo për Kosovën në këtë ndeshje, raporton “Panorama”.

Ndërkohë që në Shkodër, nëpër rrugët e qytetit atmosfera mes tifozëve kroatë dhe shqiptarë të Kosovës është shumë miqësore, aq sa bëjnë shumë foto të përbashkëta me flamuj përkatës shtuar dhe të Shqipërisë.