Shënoi dy gola, Suarez: Nuk na kishte ndodhur kurrë më parë!

Luis Suarez është rikthyer që të gjejë golat, por nuk mundi që t’i jepte pikë Barcelonës kundër Celta Vigos, që u mbyllë në barazim 2-2. Vetë sulmuesi uruguaian nuk është shfaqur shumë i kënaqur pas ndeshjes.

“Jam i lumtur në nivel individual që kam ndihmuar skuadrën me dy gola. Por në përgjithësi jam akoma shumë i zemëruar dhe i zhgënjyer.

Kemi humbur dy pikë dhe ka shumë gjëra mbi të cilat duhet të punojmë për t’u përmirësuar. Po shpërdorojmë shumë pikë. Nuk na ka ndodhur kurrë më parë. Jemi të zhgënjyer. Kemi humbur dy pikë të tjera në luftën për titull.

La Liga? Tashmë nuk varet më nga ne. Fati ynë ishte në dorën tonë, tani nuk është më kështu. Duhet të presim që Real Madrid të gabojë”, u shpreh Suarez