Shërohen nga koronavirusi 3 futbollistë të ekipit të Fiorentinës

3 futbollistë e Fiorentinës, Patrick Cutrone, German Pezzella dhe Dusan Vlahovic nuk janë më të prekur nga COVID-19. Lajmi i mirë ka ardhur pikërisht nga klubi vjollcë.

Testet mjekësore të bëra kanë dalë negative dhe kjo ka sjellë lajmin e mirë për të tre. “Fiorentina është e lumtur të lajmërojë se testet e Patric Cutrones, German Pezzellas dhe Dusan Vlahovic kanë dalë negativë.

Ne shfrytëzojmë këtë moment për të falënderuar doktorët dhe infermierët e spitalit që vazhdojnë e kujdesen për ne në këto momente të vështira për Italinë dhe gjithë botën”, shkruan klubi vjollcë.