Shkencëtarët morën në qafë Anglinë, Southgate i zgjodhi goditësit e penalltive me alogaritëm

Trajneri i Anglisë, Gareth Southgate mësohet se i ka përzgjedhur goditësit e penalltive duke u bazuar në një algoritmi. Gazeta spanjolle “El Pais”, e cila citon burime nga federata angleze e futbollit, shkruan se Southgate (dërgoi të riun Saka të gjuante penalltinë e pestë kur nuk kishte ekzekutuar më parë asnjë 11-metërsh në karrierë) kishte përdorur analiza të hollësishme të të dhënave prej vitesh nga shkencëtarët e departamentit më të financuar në FA (Federata Angleze).

Ekspertët, të udhëhequr nga Mark Bullingham, ndoqën një metodë të bazuar në modele matematikore të njohura gjerësisht si Big Data, që vijnë nga bejsbolli. Sipas gazetës spanjolle, rendi i gjuajtësve në finale kundër Italisë (Kane, Maguire, Rashford, Sancho dhe Saka) u sugjerua nga analistët. Nëse Saka nuk do të gabonte, pas tij do t’i vinte radha portierit Pickford.

Southgate edhe më parë ka bërë zgjedhje të tilla. Para dy vitesh, kur u pyet për ndikimin e inteligjencës artificiale në përgatitjen e penalltive, trajneri anglez shpjegoi se programet e Google i kishin hapur horizontin.