Shorti i Conference League/ Fiorentina “peshkon” një ekip polak, AEK i Strakoshës ndaj Celje

Pas shortit të Champions League dhe Europa League, në Nion të Zvicrës u hodh edhe shorti i Ligës së Konferencës, kompeticionit të tretë më të rëndësishëm për klube në Europë. Ceremonia nisi në orën 14:00 dhe përcaktoi rrugëtimin e skuadrave deri në finalen e madhe që do të zhvillohet në Leipzig.

Faza e parë pas shortit është ajo e 1/8-ave të finales, me ndeshje vajtje-ardhje. Takimet e para do të luhen më 12 mars, ndërsa sfidat e kthimit janë planifikuar për 19 mars.

Shorti ka vendosur përballje interesante edhe për futbollistët shqiptarë që aktivizohen në këtë kompeticion. AEK Athina, ku luan portieri Thomas Strakosha, do të përballet me skuadrën sllovene Celje. Ndërkohë, Ivan Balliu me Rayo Vallecanon do të synojë kualifikimin përballë turqve të Samsunspor.

Çiftet e plota të 1/8-ave të Conference League:

Crystal Palace – AEK Larnaka

Sigma Olomouc – Mainz

Lech Poznan – Shakhtar Donetsk

Samsunspor – Rayo Vallecano

AZ Alkmaar – Sparta Pragë

Celje – AEK Athinë

Fiorentina – Rakoë

Rijeka – Strasburg