Shpëtim Duro shpallet trajneri i vitit në Maqedoninë e Veriut

Shqipëria nuk prodhon vetëm lojtarë, por edhe trajnerë të mirë. Shpëtim Duro ka arritur që ta shpallë Strugën kampione dimri, teksa ka lënë pas vetes Shkupin dhe Shkëndijën në Maqedoninë e Veriut.

Një tjetër sukses i madh i Duros, teksa në verën e kaluar ëndërroi gjatë me Strugën në Europë, duke shkuar deri në fazën e Play Off të Conference League.

Për të gjitha këto suksese, Shpëtim Duro është shpallur edhe trajneri më i mirë i vitit 2023 në Maqedoninë e Veriut. Përgëzimet janë të mëdha për këtë trajner që mban lart emrin e Shqipërisë edhe në këtë eksperiencë te Struga.