Shqipëri- Izrael, Duka: Zhvendosja e stadiumit për arsye sigurie

I rezervuar në detaje dhe pa konfirmuar se cila federatë kërkoi realisht zhvendosjen e takimit Shqipëri–Izrael nga “Loro Boriçi” në “Elbasan Arena”, numri një i futbollit shqiptar, Armando Duka pranon se arsyet e sigurisë sollën një zhvendosje të tillë.

Kushtet jo sportive bënë që UEFA të përcaktojë luajtjen e këtij takimi në Elbasan shton Duka.

Pyetjes nëse frika qëndron tek aktet terroriste dhe a ka patur ndërhyrje të shërbimeve sekrete, kreu i federatës preferon të mos i përgjigjet drejtëpërdrejtë, por thekson se kushtet jo sportive ishin shkaku i ndryshimit të vendit.

Por cfarë ka më shumë “Elbasan Arena” se sa “Loro Borici”?

Tre ditë përpara takimit në Tiranë kanë mbërritur agjentet special të Izraelit, ç’ka tregon se frika e sulmeve terroriste është prezente.

Stadiumi “Loro Boriçi” nuk plotëson kushtet e sigurisë dhe është i patestuar në këtë aspekt.

Madje në këtë impjant mungon edhe pajisja e bllokimit të valëve të operatorëve celularë, siç ndodh në Elbasan.