Shqipëria kërkon fitoren e dytë radhazi ndaj San Marinos, zbulohet formacioni zyrtar

Kombëtarja shqiptare zbret në fushë për ndeshjen e dytë të Ligës së Kombeve, ku përballë do të ketë San Marinon.

Kuqezinjtë e nisën këtë edicion me një fitore 2-0 ndaj Bjellorusisë dhe synojnë të marrin një tjetër rezultat pozitiv, me objektivin për të vijuar rrugëtimin drejt ngjitjes në Ligën B.

Edhe statistikat në transfertë janë në favor të Shqipërisë. Kuqezinjtë kanë fituar tre nga katër ndeshjet e fundit jashtë shtëpisë, në të gjitha rastet me rezultatin minimal 0-1.
Në krahun tjetër, San Marino vjen në këtë përballje pas një humbjeje të thellë 7-0 në shtëpi ndaj Finlandës.

Bilanci i përballjeve direkte është tërësisht në favor të Shqipërisë. Kuqezinjtë kanë fituar të katër ndeshjet e zhvilluara më parë ndaj San Marinos, duke shënuar 13 gola dhe pa pësuar asnjë.

Pak minuta para startit të takimit janë bërë publike edhe formacionet zyrtare.

SHQIPËRIA: Sherri; Sina, Gjimshiti, Ismajli, Mitaj; Shehu, Asllani; Uzuni, Mehmeti, Muçi; Manaj.