Shqipëria në avantazh të dy golave ndaj San Marinos, shënojnë Mehmeti dhe Uzuni (VIDEO)

Sporti E Martë, 29 Shtator 2026 21:14

Shqipëria ka nisur në mënyrë fantastike ndeshjen, duke shënuar dy gola brenda 27 minutave dhe duke marrë një avantazh të rëndësishëm.

Kuqezinjtë kaluan në epërsi në minutën e 21-të, pas një aksioni të rrezikshëm në zonë. Rey Manaj e uli topin me kokë, ndërsa Anis Mehmeti përfitoi nga një hezitim i mbrojtjes dhe portierit për të dërguar topin në rrjetë.

Vetëm gjashtë minuta më vonë erdhi edhe goli i dytë. Në minutën e 27-të, Manaj goditi portën, portieri arriti ta ndalë gjuajtjen, por topi i kthyer mbeti në zonë. Më i shpejti ishte Myrto Uzuni, i cili e shtyu topin në rrjetë për 0-2.