Mes futbollistëve që duhet të rikthehen në Torino për rinisjen e stërvitjeve është edhe Gonzalo Higuain. El Pipita është në Argjentinë, duke i qëndruar pranë nënës së tij të sëmurë, por nuk kanë munguar zërat për një rikthim te River Plate.
Babai i tij, Jorge ka mohuar një lëvizje të tillë: “Nuk është momenti për t’u kthyer te River Plate, ka edhe një vit kontratë me Juven dhe synon ta respektojë. Nuk më pëlqen të flas më shumë, sepse është thjesht fantazi. Merkatoja në Europë është shumë ndryshe nga ajo në Argjentinë dhe djali im nuk mund të kthehet për momentin te River Plate”.
Gjithsesi përpos këtyre deklaratave me shumë mundësi sulmuesi argjentinas pritet që të largohet në verë, pasi drejtuesit torinez janë në kërkim të një futbollisti për ta zëvendësuar. /R.Lika-Koha Jone/
