S’ka më ndeshje në stadiumin “974”, nis çmontimi i impiantit me kontenierë

Një nga stadiumet më të veçanta në Katar ishte padyshim ai “974”. I quajtur kështu, pasi u ndërtua nga 974 kontinierë dhe gjithashtu, 974 është edhe kodi telefonik Katarit.

Mbrëmjen e së hënës, më 5 dhjetor në këtë impiant u zhvillua edhe ndeshja e fundit e planifikuar, Brazil-Koreja e Jugut.

Sot, stadiumi i cili ndodhet në Doha dhe ka një kapacitet deri në 44.089 spektatorë do të dalë jashtë funksionit dhe do të nisë çmontimi i tij. Për momentin nuk ka një ide të saktë se ku do të dërgohet.