Skandal në Fier, tifozët miq lënë pa ndjenja arbitrin e katërt (VIDEO)

Një ngjarje e shëmtuar u shënua në ndeshjen e kategorisë së parë mes Apolonisë dhe Vorës, në “Loni Pupuçiu”. Tifozët e Vorës, të pakënaqur me gjykimin, ka goditur me një stol të hequr nga sektori ku qëndronin arbitrin e katërt, Blerim Ziri.

Goditja për pak mund të rezultonte fatale për zyrtarin e ndeshjes, i cili nga tronditja dhe plagët është rrëzuar pa ndjenja në tokë. Gjyqtarit të katërt iu dha menjëherë ndihma e shpejtë dhe pas disa çastesh është përmendur.

Tifozët e Vorës kanë mundur të thyejnë rrethimin duke hyrë në fushë, por me ndërhyrjen e forcave të sigurisë janë kthyer në tribunë. Sa i përket ndeshjes, Apolonia fitoi 2-1 në limitet e kohës së rregullt.