Skena surreale nga Beogradi, tifozi serb i vjedh flamurin anglezëve dhe arrestohet (VIDEO)

Serbia u mposht me rezultatin e thellë 5-0 nga Anglia në Beograd, në ndeshjen e katërt të kualifikueseve për Kampionatin Botëror. Me këtë disfatë, serbët humbën çdo shans për të luftuar për vendin e parë në grup, por tashmë do të luftojnë me Shqipërinë për vendin e dytë.

Anglia dominoi sfidën dhe realizoi pesë herë: Harry Kane në minutën e 33-të, Noni Madueke në të 35-ën, Ezri Konsa në të 52-ën, Marc Guehi në të 75-ën dhe Marcus Rashford në minutën e 90-të nga pika e bardhë.

Takimi u shoqërua edhe me tensione në tribuna. Në “Marakana”, një tifoz vendas tentoi të rrëmbente flamurin e skuadrës mike, por ndërhyrja e menjëhershme e forcave të sigurisë dhe policisë shmangu përshkallëzimin. Pamjet tregojnë se i riu rezistoi ndaj rendit, duke krijuar një moment kaotik përpara se të neutralizohej.

An acrobatic Serbia fan tries to get into the England end. It doesn’t go well. 🇷🇸💀#SRBENG pic.twitter.com/RJjXL1h61R

— DavoBirmingham (@DavoBirmingham) September 9, 2025