Solskjaer befason Juven: Lukaku kthehet me grupin, çështje e mbyllur!

Transferimi i Romelu Lukakut te Juventusi, çdo ditë e më shumë bëhet edhe më i komplikuar. Pengesa e radhës në bisedimet mes Lukakut dhe Juves është bërë trajneri i Manchester United, Ole Gunnar Solskjaer.

Ky i fundit në një intervistë i pyetur për Paul Pogba dhe Romelu Lukakun ka deklaruar me bindje se të dy lojtarët do të vazhdojnë të jenë pjesë e Djajve të Kuq edhe në sezonin  e ri.

“Lukaku do të rikthehet që të stërvitet me grupin javën e ardhshme. Nuk ka ndonjë dëmtim, por disa dhimbje. Nuk donim që ta rrezikonim që këtë fundjavë. Shpresoj që të ketë i gatshëm për ndeshjen me Chelsea-n. Kam folur me të për t’i treguar për mënyrën e sjelljes. Për mua kjo çështje është e mbyllur”, deklaroi Solskjaer.

Mesa duket shkëmbimi Lukaku-Dybala nuk do të kryhet kjo për shkak edhe të kërkesave të larta të sulmuesit argjentinas.