Muaji nëntor është për t’u harruar për Cristiano Ronaldon. Ky ka qenë një ndër muajit më të errët në karrierën e portugezit, pasi nuk ka arritur që të shënojë asnjë gol. Për herë të fundit CR7 ka gjetur rrugën e rrjetës më fanellën e Juventusit më 30 tetorin e kaluar, në limitet e kohës së rregullt ndaj Genoas.
Në ndeshjet e kombëtares luzitane, ai realizoi 4 gola në dy ndeshje, duke i bërë që të shpresonin shumë prej tij tifozët torinez. Gjithsesi Ronaldo nuk arriti që të shënonte në asnjë nga katër ndeshjet ku aktivizua. E vetmja sfidë që nuk zbriti në fushë ishte ajo ndaj Atalantës, ndërkohë që me Milanin u zëvendësua.
Tashmë ai do të rikthehet në fushë, nesër ndaj Sassuolos. Asnjë gol në një muaj, nuk ndodhte për Ronaldon që nga viti 2009, kur luante pak minuta me Realin në dy ndeshje për shkak të një problemi në kavilje. /R.Lika-Koha Jone/
