Strakosha sërish titullar me Lacion. Nga minuta e parë luajnë edhe Hysaj e Memushaj

Tomas Strakosha do të luajës sërish titullar me Lacion në ndeshjen e së dielës në “Olimpiko” kundër Empolit. Në formacion me skuadrat e tyre do të jenë në këtë javë të Serisë A edhe Hysaj e Memushaj.

Debutoi me humbje në Serinë A, por Thomas Strakosha ka një tjetër mundësi për të shijuar fitoren e parë si titullar me Lacion.

Portieri shqiptar pritet të jetë sërish nga minuta e parë në sfidën që skuadra e tij do të luajë të dielën në “Olimpiko” të Romës kundër Empolit.

Paraqitja të martën kundër Milanit e ka bindur trajnerin Simone Inzagi dhe klubin lacial, se Strakosha do të jetë portieri I dytë në këtë sezon.

Por në javët e fundit dëmtimi I partierit të parë, Federiko Marketi po jep mundësi 21-vjeçarit të tregojë veten dhe ndaj Empolit mund të vijë edhe fitorja e parë për të në kampionatin italian.

Titullar në javen e gjashtë të Serisë A pritet të jenë edhe dy futbollistët e tjerë shqiptarë.

Elseid Hysaj dhe Napoli I tij do të kërkojnë të kthehen te fitorja në sfidën e së shtunës kundër Kievos.

Ashtu si në sezonin e fundit, mbrojtësi shkodran vazhdon të jetë zgjedhje e parë e trajnerit Sarri dhe një nga pikat më të forta të skuadrës së tij.

I njëjti diskutim edhe për Ledian Memushaj.

Kapiten me Peskarën, mesfushori vlonjat nuk e diskuton formacionin me skuadrën e tij.

Për kët arsye nga minuta e parë do të niset edhe në sfidën e së dielës në fushën e Xhenoas.

Në këtë ndeshje nga pankina do ta fillojë sërish Rei Manaj, me sulmuesin që megjithëse shënoi që në debutim, nuk po arrin të bindë trajnerin Masimo Odo.