Suarez “tremb” Interin: I lumtur që Barcelona kërkon të blejë Lautaron

Në Spanjë vazhdojnë lajmet në lidhje me të ardhmen e Lautaro Martinez, ndërkohë që Interi beson se futbollisti do të vazhdojë që të qëndrojë në Milano. Së fundmi ka qenë Luis Suarez, që ka reaguar në lidhje me të ardhmen e bomberit argjentinas.

“Lautao është një futbollist që është rritur shumë në Italia. Një numër 9 që bën lëvizje spektakolare dhe kjo e bën atë një futbollistë të madh. Jam i lumtur që klubi kërkon të transferojë futbollistë që mund të na ndihmojnë për të arritur objektivat. Futbollistët që vijnë për të luftuar për një vend në formacion dhe e ndihmojnë ekipin, janë të mirëpritur.”, u shpreh sulmuesi uruguaian për “Mundo Deportivo”.

Interi rrezikon që ta humbasë sulmuesin argjentinas që duket i tunduar nga ofertat e klubit blaugrana. Suarez duket i gatshëm për t’ia lënë vendin e tij vetëm e vetëm që ekipi të vijojë që të fitojë. /R.Lika-Koha Jone/