Sulmuesi i njohur braktis Gjermaninë për transfrimin rekord tek Chelsea

Kai Havertz ka lënë grumbullimin e Gjermanisë për të nënshkruar me Chelsea-n. Klubi anglez do të shpenzojë 90 milionë euro, plus 25  bonuse, për një total prej 115 milionë eurosh.

Havertz bëhet futbollisti më i shtrenjtë i blerë nga klubi me pronar manjatin rus, Roman Abramovic. Rekordi i mëparshëm i përkiste portierit spanjoll Kepa, për të cilin londinezët shpenzuan 80 milionë euro, shumë që shkoi në llogarinë e Athletic Bilbaos.

Federata Gjermane e Fubollit ka konfirmuar se mesfushori është larguar nga qendra stërvitore në Stuttgart përkohësisht për t’u takuar me drejtuesit e Chelsea-t dhe më pas do të kthehet pasi të zyrtarizohet kalimi në klubin londinez. Kai Havertz i shtohet listës së blerjeve gjatë këtij sezoni: Thiago Silva, Ben Chilëell, Malang Sarr, Hakim Ziyech dhe Timo Werner.