Sulmuesi kuqezi Myrto Uzuni vlerësohet në Spanjë

Sulmuesi i Shqipërisë, Myrto Uzuni ka rigjetur formën më të mirë në La Liga 2, në Spanjë, aty ku është pjesë e skuadrës së Granada. Ai ishte vendimtar me gol për skuadrën, në barazimin 2-2 ndaj rivalëve direkt të Malaga-s. Uzuni është një nga më të mirët në fushë për ekipin e tij, ndërsa ka marrë edhe një vlerësim të rëndësishëm në Spanjë. Beratasi është zgjedhur në formacionin më të mirë të javës së gjashtë nga “Sofascore”, me notën 7.6. 29-vjeçari numëron pesë ndeshje të luajtura në La Liga 2, ku ka arritur të shënojë edhe dy gola.