Super Xhemajli i mohon fitoren Parmës, Dermaku shkëlqen në mbrojtje (VIDEO)

Parma nuk ka mundur të shkojë më shumë se një barazim 2-2në transfertën ndaj Bolognës. Skuadra e drejtuar nga D’Aversa zhvilloi një ndeshje shumë të mirë duke dominuar për pjesën më të madhe të kohës, por fati nuk ishte me ta.

Talenti Kulusevski zhbllokoi ndeshjen në minutën e 17-të me një goditje të bukur nga distanca. Kundërpërgjigja e Bolognës erdhi në fundin e pjesës së parë, teksa Palacio arriti që të shënonte me kokë pas një goditje nga këndi.

Në fraksionin e dytë, pas një aksioni model, Iacoponi arrin që të shënojë golin e dytë për ekipin e Parmës. Dermaku ishte në fushë gjatë gjithë ndeshjes, duke luajtur mjaft mirë së bashku me Bruno Alves. Një dyshe që të lejon shumë pak topa në zonën e tyre.

Në fundin e kohës së rregullt, Blerim Xhemajli shënoi një super gol me një goditje të bukur fluturimthi në zonë /R.Lika-Koha Jone/