“Supermeni” Konsili ndal Milanin, kuqezinjtë i largohen zonës Champions (VIDEO)

Milani shpërdoron një mundësi të artë për t’u afruar me zonën Champions, pasi ka barazuar 1-1 në “San Siro” me Sasuolon.

Kuqezinjtë e nisn mjaft mirë ndeshjen, pasi kishin mundësi që të kalonin në avantazh që në minutën e dytë me Kesi, por portiere Konsili bëri një ndërhyrje shpëtimtare. Me kalimin e minutave Milani shton presionin, por miqtë janë të vendosur mjaft mirë në mbrojtje duke mos lejuar shumë goditje në portë. Pjesa e parë u mbyll pa gola, ndërkohë që në fraksionin e dytë Milani humbet kontrollin e lojës duke ndjerë lodhje nga ndeshja me Interin në mesjavë.

Kur pritje goli nga vendasit, del në skenë Politano i cili kontrollon topin jashtë zonës në minutën e 75-të dhe më pas lëshon një të djathtë të hidhur që përfundon në cepin e portës së mbrojtur nga Donaruma. Milani kundërpërgjigjet me Nikola Kaliniç në minutën e 86-të. Ish-sulmuesi i Fiorentinës rrotullohet bukur në zonë dhe më pas e dërgon topin në rrjetë. Në minutën e fundit shtesë Konsili bën një super pritje pas një goditje të Bonaventurës në hyrje të zonës.

Milani shpërdoron një mundësi të artë për t’u afruar me Interin, pasi diferenca mbetet 7 pikë. /Koha Jonë/