Të gjithë sytë nga Manchesteri, ja formacioni më i mirë i kombinuar para super derbit

Sytë e futbollit anglez janë të gjithë te “Old Trafford”, aty ku sot Manchester United dhe Manchester City përballen në një nga sfidat më të shumëpritura të javës së katërt të Premier League.

Para derbit të qytetit, vëmendja është përqendruar edhe te një tjetër duel: ai për vendet në formacionin më të mirë të përbashkët mes dy skuadrave. Në një skemë 4-3-3, dominimi i City-t është i dukshëm, me shtatë lojtarë të përzgjedhur, ndërsa United përfaqësohet nga katër.

Në portë është Gianluigi Donnarumma, i preferuar ndaj André Onanës. Katërshja e mbrojtjes plotësohet nga Guéhi, Rúben Dias, Gvardiol dhe Luke Shaë.

Në mesfushë spikasin Enzo Fernández, Bruno Fernandes dhe Matheus Cunha, një treshe që kombinon forcën, kreativitetin dhe teknikën.

Në repartin ofensiv, Bryan Mbeumo merr vendin në krah, ndërsa Rayan Cherki sjell fantazinë dhe individualitetin. Në majë, zgjedhja duket e padiskutueshme: Erling Haaland.