Teuta rigjen fitoren, Laçi vijon të jetë në vendin e dytë

Teuta është kthyer te fitoret dhe këtë e ka bërë duke mposhtur minimalisht 0-1 Egnatian. Golin e vetëm në Rrogozhinë e realizoi Daci në minutën e 27.

Po sot Laçi ka humbur mundësinë për t’u afruar me Tiranën kryesuese pasi kurbinasit kanë barazuar me shifrat 1-1 kundër Kastriotit. Pas 24 javësh kampionat Laçi renditet në vendin e dytë me 45 pikë, 8 më pak se Tirana kryesuese.

Java e 24 e Superligës mbyllet të martën me Skënderbeu-Dinamo. Korçarët renditen të fundit me 17 pikë, ndërsa kryeqytetasit të parafundit me 20 pikë.