Thiago Motta nuk i zë besë formës së City-it: Janë skuadër e jashtëzakonshme!

Juventus i Thiago Mottës është gati për t’u përballur me Manchester City, në raundin e 6 të fazës së Ligës në Uefa Champions League. “Badhezinjtë” dhe “qytetarët” vijnë në këtë përballje me pikë të barabarta dhe me synimin për rikthimin te suksesi. Trajneri i “Zonjës së Vjetër” vlerëson kundërshtarin, pavarësisht momentit negativ që po kalojnë të besuarit e Pep Guardiolës.

“Nesër do të përballemi me një skuadër me karakteristika të qarta. Duhet të jemi gati të mbrohemi dhe të qarkullojmë topin me kualitet. Sa i takon gjendjes së Cityt nuk mund të shprehem, por mund vetëm të vlerësoj atë se çfarë kjo skuadër ka arritur gjithë këto vite.

Ata kanë shfaqur një skuadër të jashtëzakonshme, kanë fituar Championsin, kupën e Botës për klube, Premier Ligën për4 sezone me radhë, ndaj mendoj se Guardiola po bënë një punë të jashtëzakonshme tek kjo skuadër”, theksoi tekniku i Juventusit.