Tiger Woods bën aksident dhe më pas i drejtohet policisë: Isha duke folur në telefon me Trump!

Tiger Woods ka qenë në qendër të një incidenti dhe më pas arrestimi në Florida, ndërsa detaje të reja kanë dalë nga videoja e publikuar nga autoritetet lokale.

Sipas pamjeve të bëra publike nga policia e qarkut Martin, legjenda e golfit i ka deklaruar efektivëve se ishte në telefon me “presidentin” menjëherë pas aksidentit automobilistik. Në video, një oficer i kërkon të qëndrojë në vend, ndërsa Woods përgjigjet duke tundur telefonin: “Po flisja me presidentin”.

Në vijim, 50-vjeçari, fitues i 15 titujve “Major”, i nënshtrohet një testi për alkoolin dhe më pas vihet në pranga. Gjatë kontrollit, policia ka gjetur tek ai dy pilula hidrokodoni, një medikament kundër dhimbjeve që jepet me recetë mjekësore.

Sipas raportit të arrestimit, Woods ka deklaruar se kishte marrë disa ilaçe gjatë ditës, të përshkruara nga mjeku, ndërsa ka kujtuar edhe historikun e tij të gjatë mjekësor, me disa operacione në shpinë dhe më shumë se 20 ndërhyrje në këmbën e djathtë.

Në video, ai shpjegon gjithashtu se aksidenti ndodhi pasi shpërqendroi vëmendjen duke parë telefonin në momentin kur një automjet para tij kishte ngadalësuar. “U ula sytë te telefoni dhe papritur… bum”, dëgjohet të thotë Woods.

Pavarësisht situatës, ai është deklaruar i pafajshëm ndaj akuzës për drejtim mjeti nën ndikimin e substancave.