Tirana feston në Gjeorgji, kalon në turin e dytë të Conference League dhe sfidon Besiktasin (VIDEO)

Tirana merr një kualifikim të merituar në Gjeorgji për Conference League, duke fituar 2-1 ndaj Dinamo Batum. Bardheblutë e nisën mjaft mirë ndeshjen, teksa do të zhbllokonte shifrat në minutën e 28-të. Regi Lushkja mori një pasim nga Ardit Hila dhe goditi menjëherë, duke ndezur festën bardheblu në Gjeorgji.

Dinamo Batum kërkoi me ngulm barazimin, por asgjë nuk do të ndryshonte. Në pjesën e dytë loja ishte e barabartë, me skuadrën e Shehit që shfrytëzoi më së miri një aksion nga krahu i djathtë, me Deliun, që këtë herë do ta dërgonte topin në rrjetë në minutën e 78-të.

Më pas vendasit nuk do të dorëzoheshin dhe në fundin e kohës së rregullt do të rihapnin shpresat falë një goli të shënuar nga Kapanadze.

Takimi i parë, në “Air Albania”, përfundoi në barazim 1-1, duke bërë që  skuadra e Orges Shehit të kualifikohet në raundin e dytë të Conference League atje ku dot ketë dy duele shumë të vështira ndaj Besiktasit.