Tjetër medalje e artë për Kosovën, Distria Krasniqi triumfon në Katar

Distria Krasniqi ka rrëmbyer medaljen e artë në Masterin e xhudos që po mbahet në Doha të Katarit.

Numri një në botë, Krasniqi mposhti në finale me ippon japonezen Funa Tonaki, kampione e botës në vitin 2017, kategoria deri në 48 kilogramë.

Pesë garuesit  që ndodhen brenda normës Olimpike Tokyo 2020, Majlinda Kelmendi (-52 kg), Distria Krasniqi (-48 kg), Nora Gjakova (-57 kg), Loriana Kuka (-78 kg) dhe Akil Gjakova (-73 kg) do të synojnë ta nisin 2021-tën me medalje dhe njëkohësisht të shtojnë pikë të reja Olimpike, të cilat iu ndihmojnë edhe për renditje më të mirë para Olimpiadës së Tokios.