Tottenham shkarkon trajnerin Tudor pas 45 ditësh

Tottenham Hotspur ka vendosur të ndërpresë bashkëpunimin me trajnerin Igor Tudor. Lajmi është konfirmuar nga vetë klubi londinez, i cili njoftoi se ndarja me ish-teknikun e Juventus ka ardhur “me marrëveshje të përbashkët”, pas një periudhe shumë të shkurtër në krye të skuadrës.

Aventura e Tudor te Spurs zgjati vetëm 45 ditë, gjatë së cilës ai drejtoi ekipin në shtatë ndeshje, duke regjistruar vetëm një fitore. Suksesi i vetëm erdhi në Liga e Kampionëve përballë Atlético Madrid, por që nuk mjaftoi për të siguruar kualifikimin në çerekfinale.

Në kampionat, situata ishte edhe më e vështirë, me londinezët që arritën vetëm një barazim në Premier League. Tudor largohet duke lënë Tottenhamin në vendet e fundit të renditjes, me vetëm një pikë më shumë se Ëest Ham United.

Ndër momentet më të diskutueshme të kësaj periudhe mbetet ndeshja në transfertë ndaj “Colchoneros”, ku portieri Kinsky u zëvendësua që në minutën e 17-të, një vendim që bëri bujë të madhe në media dhe te tifozët.