Tragjedi për lojtarin e Nantes, i vdes vajza para sfidës ndaj Juventusit
Sporti E Martë, 14 Shkurt 2023 12:49
14 Ignatius GANAGO (fcn) during the Ligue 1 Uber Eats match between FC Nantes and AJ Auxerre at Beaujoire Stadium on January 1, 2023 in Nantes, France. (Photo by Gwendoline Le Goff/FEP/Icon Sport)
Futbollisti i Nantes, Ignatius Ganago, ka marrë një lajm tronditës para ndeshjes ndaj Juventusut. Ai ka humbur vajza 5-vjeçare, për shkak të një sëmundjeje të papritur.
Sipas raportimeve nga Franca, sulmuesi kamerunas është në gjendje shumë të rënduar pas kësaj ngjarjeje tronditëse.
Ganago raportohet se ka fluturuar me urgjencë drejt Kamerunit pasi mori lajmin për ndarjen nga jeta të bijës së tij.
Nantes i dha menjëherë dritën jeshile futbollistit për të ikur shtëpi pas lajmit për vdekjen e vajzës së tij, pak ditë para ndeshjes së Europa League ndaj Juventusit, pasi në këtë situatë futbolli kalon në plan të dytë.
