Trajner serb i Bolognës del pozitiv ndaj koronavirusit

Sinisa Mihajlovic ka bërë tamponin për Covid-19 ka rezultuar pozitiv. Lajmin e ka konfirmuar vetë klubi me një komunikatë për shtyp, duke sqaruar edhe masat që do të merren kundrejt trajnerit dhe skuadrës.

“Trajneri, që është asimptomatik, do të qëndrojë në izolim për dy javët e ardhshme, siç parashikohet në Protokollin Kombëtar”, lexohet në komunikatën e Bologna-s.

“Gjatë këtyre ditëve u janë bërë tamponët edhe lojtarëve të skuadrës së moshave, me të gjithë që kanë rezultuar negativë. Nesër do të bëhen testet për të gjithë lojtarët dhe stafin e skuadrës së parë”.