Transferimi i Chiesa-s te Juventusi? Paratici sqaron situatën e italianit

Juventus po punon për transferimin e Federico Chiesa-s. Transferimi i sulmuesit të Fiorentinës nuk do të jetë i thjeshtë, pasi klubi vjollcë ka kërkesa të larta financiare. Gjithsesi Paratici është optimist se mund ta mbyllë me sukses këtë operacion.

“Juventus është gjithmonë e vëmendshme për gjithçka ndodh në merkato, si për Chiesa-n apo edhe për ndonjë futbollist tjetër. Kjo është motoja jonë, duhet të jemi kreativë, sidomos tani në këtë moment të vështirë në merkato”, deklaroi Paratici.

Klubi bardhezi ka gati një strategji për Chiesa-n, duke ofruar 10 milionë euro për huazimin, më pas të drejtën e blerjes së kartonit për 30 milionë euro dhe 10 të tjera bonuse. Skuadra torineze ndërkohë po punon edhe për shitjen e futbollistëve, teksa Douglas Costa, Rugani dhe De Sciglio janë në listën e largimeve. /R.Lika-Koha Jone/