Trashi firmos në Kuvajt, do të përfitojë 1 milion dollarë

Lorenc Trashi udhëtoi drejt Kuvajtit ndërsa tashmë ka nisur edhe zyrtarisht aventurën me skuadrën më të titulluar të këtij vendi Al Qadsia. Në praninë e drejtuesve të klubit të cilët paguan 250 mijë dollarë te Partizani për futbollistin e kombëtares shqiptare, Trashi ka hedhur firmën mbi kontratë.

Mbrojtësi i njohur do përfitojë plotë 1 milionë dollar, një shifër e konsiderueshme. Pasi ka nënshkruar, Trashi i ka falënderuar të gjithë për këtë lëvizje, normalisht edhe menaxherin Franci Bode që i mundësoi këtë transferim.

Tashmë mbrojtësi duhet të përgatitet për sezonin e ri, që nis në mes të muajit shtator dhe ku do të synojë që të lërë gjurmë.