Trofeu i Euro 2024 nis “shëtitjen” nëpër Gjermani

Drejtori i “Euro 2024”, Philip Lahm nisi zyrtarisht turin e trofeut të evenimentit nga Shtutgarti.

Kur kanë mbetur më pak se 100 ditë nga starti i aktivitetit më të rëndësishëm kontinental, kupa e Europës do të vizitojë 10 qytetet gjermane që do të mirëpresin ndeshjet.

Lahm deklaroi se synimi ishte që njerëzit të bashkohen dhe e cilësoi këtë si periudhën për “të festuar sërish së bashku”.

Starti i turit të trofeut të “Euro 2024” erdhi vetëm pak orë pasi Federata Gjermani njoftoi se mbylli bashkëpunimin me sponsorin teknik Adidas pas 77 vjetëve dhe firmosi kontratën milionere me Nike.