Tronditet Brazili, dy yje humbasin pjesën e mbetur të Kupës së Botës

Dy futbollistë të rëndësishëm të Brazilit, si Gabriel Jesus dhe Alex Telles do të humbasin pjesën e mbetur të Botërorit. Ata janë dëmtuar në ndeshjen e djeshme kundër Kamerunit.

“Globo Esporte” raporton se futbollistët kanë pësuar dëmtime në gjurin e djathtë dhe për këtë arsye nuk do mund të luajnë në Kupën e Botës në vijimin e saj.

Trajnerit Tite do t’i mungojnë dy alternativa të rëndësishme në stol, në një periudhë kur vuan edhe dëmtimet e lojtarëve si Neymar, Danilo dhe Alex Sandro. Kujtojmë që tashmë nuk është më e mundur zëvendësimi i lojtarëve me futbollistë te tjerë që nuk ishin në listë.